Октябр öтиöд лун - олöмаяслöн лун

Шоныдлунöн да тöждлунöн
Олöмаяслöн да вермытöмъяслöн Югыдъягса керкаын, кодi участокса больничакöд öти вевт улын, майбыр, шоныд, югыд, кыпыд, сöстöм. Фойеас гöгöр дзоридзьяс. Сэтчöс небыд диван-креслöын пукалiгмозыд позьö нимкодясьны налöн мичлунöн. Кылан асьтö гортад моз. А сiдзи и эм. Талун танi бергöдчö 35 пöль-пöч. И быд жырйын олöны öти-кык мортаöн. Аньясыс унджыкыс олöны öтнаныс. Артмö, быдöн асланыс пельöсын, кöнi тыр-бура овны эм став коланторйыс - пызан-улöс, шкап, крöвать, весиг телевизор. Могмöдöны найöс танi уджалысь, на вöсна тöждысьысь, шань аньяс.
- Миян талун танi зiльö 29 морт, - висьталiс олöмаяслöн керкаöн веськöдлысь Анна Васильевна Мамонтова, кодi танi уджалö 23 во. - На лыдысь дас младшöй медсестра-санитарка, нёль пусьысь, нёль стöрöж, завхоз, рабочöй да с.в. Медводз вайöда дыр уджалысьясöс. Тайö - Вера Ивановна Шешукова, санитарка, кодi уджалiс керка воссьöмсяньыс, öнi шойччöг вылын. А сiдзжö санитарка-медсестраяс Ольга Ивановна Шешукова, Алла Фёдоровна Мальцева, Наталья Владимировна Лодыгина, кодъяс зiльöны 23 во нин. Мукöдыс томъяс на. Олöмаяслöн керкаöн менам веськöдлыны босьтчöмсянь танi олöмыс тöдчымöн вежсис бурланьö. 2012-öд воын вужвыйöн дзоньталiсны гöгöр: выльмöдiсны вевт, стен-джодж, могмöдiсны выль мебельöн, бытöвöй да оргтехникаöн. Гöгöр ставыс выльмис-мичаммис...
Водзö лыддьöй сентябр 28-öд лунся газетысь.
Галина Нестерова.
Снимокъяс олöмаяслöн керкалöн чукöртöмысь.